Este mês de setembro estreamos o documentário Aprender na língua própria: das Escolas de Ensino Galego à Semente, no ano do centenário deste valioso empreendimento educativo impulsionado polas Irmandades da Fala. Sem o teu apoio nom seria possível tornar este projeto audiovisual possível, por isso mais umha vez o nosso agradecimento por confiar na Semente como motor de galeguizaçom educativa e ferramenta de difusom do nosso património cultural.
A primeira sessom terá lugar no próximo 6 de setembro, às 19:00 h., na A.C. Alexandre Bóveda (Rua Santo André, 36, 1º Prédio do Circo de Artesáns, Corunha). Assim que acabar o documentário, decorrerá umha mesa redonda com a participaçom de Antón Costa (Catedrático de História da Educaçom), Irene Pim (Aqueladas S. Cooperativa) e Santiago Quiroga (Coordenador da Semente Nacional). Gostaríamos de contar com a tua presença neste ato ou nalguma das projeçons que decorrerám ao longo do mês de setembro em diferentes cidades do País:
– 6 de setembro, às 19 h., A.C. Alexandre Bóveda, Corunha.
– 18 de setembro, às 20 h. Duplex Cinema, Ferrol.
– 23 de setembro, às 12 h., Sala Numax, Santiago de Compostela
– 28 de setembro, às 19:30 h., salom de actos da Deputaçom de Lugo.
